Este curso despedimos o mes de outubro celebrando o valor das bibliotecas no noso centro. Ao longo dunha semana, o alumnado de EP e ESO participou en sesións de formación de usuarios, os novos lectores e lectoras recibiron os seus carnés e os máis pequenos gozaron de fermosos momentos de lectura compartida.
Ademais, tras a magnífica acollida do ano pasado, levouse a cabo a II edición do Concurso de Bookface. Todas as creacións estarán expostas na biblioteca para que toda a comunidade educativa poida admirar a súa creatividade. 📚 Moitas grazas a todas as persoas participantes e parabéns ás gañadoras e ao gañador!
