Acompañando as distintas actividades que se levan facendo no cole estes días en conmemoración desta data especial, a biblioteca quixo poñer o seu gran de area inaugurando un novo espazo: o recuncho violeta.
Nel iremos incorporando todas as novidades bibliográficas adaptadas ás distintas idades da nosa comunidade educativa e relacionadas con distintas temáticas: a igualdade e a coeducación, a visibilización da muller e a ruptura dos estereotipos de xénero, a educación afectivo-sexual, a loita contra a violencia de xénero, etc.
Como vedes, os estantes están comezando a encherse rapidamente!
