Este xoves os integrantes do Faro das Letras saíron da súa rutina para facer unha visita a Mondoñedo, vila de figuras literarias como Leiras Pulpeiro, Noriega Varela, Marina Mayoral e, por supostísimo, Álvaro Cunqueiro.
Partindo dende a praza da catedral, percorremos os distintos puntos clave da historia da vila a través do seu patrimonio arquitectónico, facendo unha parada especial no Museo da Imprenta, onde nos achegamos ás orixes dos nosos bens máis prezados… os libros!
